Despois de levar moito tempo con este proxecto a voltas por fin podemos dicir orgullosos que no CEIP Antonio Carpintero temos un precioso e colorido grafiti no patio!
Este non é un grafiti calquera, pois con el tratamos de recordar ao mundo que no noso cole a IGUALDADE salta á vista. Ano tras ano a educación en valores supon un piar fundamental do noso proxecto educativo e esta obra constitúe un elemento máis dentro do noso crebacabezas máis importante: axudar a formar ao alumnado para que a sociedade futura se sustente en valores tan importantes como a inclusión, a igualdade, o respecto...
Por suposto, non podemos (nin queremos) esquecernos daqueles que fixeron posibles este pequeno soño. Moitas grazas ao Concello de Arbo pola súa grandísima aportación e pola súa continua colaboración (sabedes que estamos infinitamente agradecidos e isto non sería posible sen vós). Moitas grazas tamén ao artista que plasmou marabillosamente as ideas que tiñamos en mente, graciñas Jose Ángel polas facilidades, a comprensión e a colaboración.
Soamente esperamos que vos guste tanto como a nós!
