PRESENTÁMONOS!

 QUE É O DEPARTAMENTO DE ORIENTACIÓN?

 O Departamento de Orientación  DO) é un servicio educativo do Centro para a orientación académica e persoal dos alumnos/as. O obxectivo principal do DO é acadar a cooperación de toda a comunidade educativa para lograr o desenvolvemento persoal, social e académico de todo o alumnado. En base a isto, o DO pretende ser unha ferramenta máis para facilitar este cometido de asesoramento, intervención e seguemento psicopedagóxico tanto no profesorado coma no alumnado e nas familias

QUEN FORMA O DEPARTAMENTO DE ORIENTACIÓN?

 O Departamento de Orientación está formado polos coordinadores dos diferentes ciclos e niveis do centro, a mestras especialistas en Audición e Linguaxe e polo Orientador do centro.

O ORIENTADOR

 O orientador do centro é a persoa responsable de dirixir e coordinar as diferentes accións planificadas dende o núcleo do propio departamento. Entre as funcións inherentes ao cargo están a planificación e seguimento da atención á diversidade, a coordinación dos apoios ao alumnado con necesidades específicas de apoio educativo, favorecer a relación e a comunicación cos diferentes membros da comunidade ou realizar valoracións e asesorar ás familias, mestres e alumnado.

COMO FUNCIONA?

O DO funciona principalmente a través dunha demanda por parte dos pais, dos titores do centro ou do equipo directivo. Esta demanda resolverase de diferentes formas, segundo a gravidade do caso: orientación específica para o contexto familiar, orientación específica para o profesorado da aula, avaliación psicopedagóxica, derivación ao Equipo de Orientación Específico, derivación aos servizos sociais, educativos e sanitarios da zona ou calquera outra decisión que se considere necesaria.

CON QUEN NOS COORDINAMOS?

A nivel interno o Departamento  coordínase principalmente cos titores, co equipo directivo, ANPA e órganos de coordinación docente existentes no noso centro.

A nivel externo o DO coordínase cos Centros de Educación Secundaria da zona, servizos sociais do concello, asociacións e organismos públicos ou privados e diferentes órganos e profesionais da contorna próxima.

Esta colaboración será recíproca, podendo poñerse en contacto por ambas partes en calquera momento do curso.

CENTROS COMPARTIDOS E HORARIOS

O DO é compartido entre o CEIP Antonio Carpintero e o CEIP Plurilingüe Manuel Sieiro. O orientador ten o seguinte horario:

• CEIP Antonio Carpintero: luns (9.30-14.30), martes (12.30-14.30 e 15.30-18.00), xoves (9.30-14.30) e venres (9.30-14.30)
• CEIP Plurilingüe Manuel Sieiro: martes (9.35-11.35) e mércores (9.35-15.10)

No caso de que calquera familia queira facer uso deste servizo de orientación poderá pedir cita no propio centro ou de xeito telefónico (8861100091)